Қазақ тіл мен əдебиет бірлестігінің ұйымдастыруымен "Əкеммен əдебиет əлеміндемін" байқауы өтті.

Бүгін 73 мектеп- лицейінде қазақ тіл мен əдебиет бірлестігінің ұйымдастыруымен "Əкеммен əдебиет əлеміндемін" байқауы болып өтті. Байқау 5-сыныптар арасында болды. Əр сыныптан бір оқушы əкесімен байқауға қатысты.



Мақсаты отбасылық кітап оқу, əке мен бала арасындағы қарым- қатынасты нығайту, көркем əдебиетті оқуға деген қызығушылығын арттыру.
Байқау екі турдан өтті. Бірінші тур көркем əдебиеттегі поэзияны жатқа мəнерлеп оқу болса, екінші тур əдебиетіміздегі үздік шығармалардан қойылым қою болды. Байқауға əке де бала да өте белсенді қатысты.

Мектеп басшысы Құралай Амангелдіқызы сөз бастап, əкелердің қазіргі таңда отбасында бала тəрбиесіндегі орны ерекше екендігін айтып,қатысушы əкелерге ризашылығын білдірді.

Жүйріктен жүйрік озар жарысқанда демекші байқау болғандықтан барлық қатысушы да өз дəрежесінде өнер көрсетіп, жеңімпаздар марапатталды.
Қатысушы əкелер сөз соңында алған əсерлерімен бөлісіп, бұл идеяның бастамасына қолдау көрсетіп қалалық деңгейге таратуға ұсыныс білдірді.

Комментарии