📢 ХАБАРЛАНДЫРУ!
Қазақстан Республикасы Білім және ғылым министрлігінің №235 бұйрығына сәйкес, білім беру ұйымдарының аумағында қауіпсіздік талаптарын сақтау мақсатында мектепке әкелуге тыйым салынған және пайдалануға шектеу қойылған заттар туралы ескертеміз.
№73 мектеп-лицей аумағына әкелуге қатаң тыйым салынған заттар:
• қару-жарақтың барлық түрлері;
• жарылғыш және жанғыш заттар;
• суық қару, өткір және жарақаттауы мүмкін заттар;
• улы және химиялық заттар;
• есірткі, алкоголь және психотроптық заттар;
• адамның өмірі мен денсаулығына қауіп төндіретін басқа да заттар.
Пайдалануға шектеу қойылған заттар:
• ұялы телефондар және басқа да гаджеттер;
• құлаққаптар және электронды құрылғылар.
Аталған заттарды мектепке әкелу немесе пайдалану мектептің ішкі тәртіп ережелеріне сәйкес жауапкершілікке әкелуі мүмкін.
Білім беру ұйымында қауіпсіз әрі қолайлы орта қалыптастыру — барлық оқушылар, ата-аналар және педагогтердің ортақ міндеті.
Барлық білім алушылардан мектептің ішкі тәртіп ережелерін сақтауды сұраймыз.
