Біз өмірді таңдаймыз

Біз өмірді қолдаймыз!

«Біз өмірді қолдаймыз!». Аталмыш акция барша адамдардың өмірге деген құштарлықтарын ояту, өмірге жақсы көзқараспен қарауға, қадірлей,бағалай білуге тәрбиелеу, өмірден өз орындарын тауып, айналасына қуаныш сыйлай білуге үйрету мақсатында Білім басқармасының бастамасымен қолға алынған болатын.  Осындай игілікті істі мақсат еткен бұл шара қала деңгейіндегі барлық мектептерде эстафета түрінде ұйымдастырылуда.

Алғаш болып, қаламыздағы №72 мектеп – лицейде бастау алған акция біздің мектебімізде өте жоғары деңгейде өтті. Акцияға №55, №29, №44, №72, №66 мектеп – лицейден қонақтар қатысты.

Іс – шара барысында өмірдің қымбаттылығы туралы видеолар көрсетіліп, өмірге қатысты мәнді, мағыналы сөздер айтылды. Сонымен қатар, қандай қиындық болса да, өмірде мойымау керектігі оқушыларға түсіндірілді. Ал үлгі ретінде өмірге құштар, көңілді 5 – 6 – 7 сынып оқушыларының және мектеп ұстаздарынан құралған ұжымның керемет биі көрсетілді. Акция тізгіні №66 мектеп – лицейге тапсырылды.

         Иә, өмір әрқашан қымбат. Өмір – күрес, оны жеңе білуіміз керек. Өмір – ойын, оны ойнай білуіміз керек. Өмір – ғажайып, тек әдемі жақтарын көре білгеніміз абзал. Акцияға қатысқан әрбір оқушы, ұстаз, ата – ана, қонақтар осыны анық түсініп қайтқандай болды. Ең бастысы, ұйымдастырушылар көрермендерге керемет көңіл – күй сыйлап, өмірдің қызықты, көңілді екенін тағы бір дәлелдеп берді.

                                               
                                                         

Комментарии